Magistratura

 Buyuk me`mor

 
Muqimiy nomidagi Qo`qon davlat pedagogika instituti magistratura bo`limi magistrantlari tomonidan institut qoshidagi birinchi, ikkinchi va uchinchi akademik liseylarda Birinchi Prezidentimiz Islom Abdug`anievich Karimov tavallud topgan kun va xotirasiga bag`ishlangan «Buyuk me`mor» deb nomlangan xotira tadbiri o`tkazildi.
 
Unda QDPI prorektori Baxtiyorjon Olimov, magistratura bo`limi boshlig`i Mashrabjon Temirboev mustaqil O`zbekiston davlatimizning asoschisi, buyuk davlat va siyosat arbobi, o`zbek xalqining ulug` va ardoqli farzandi, mamlakatimizning Birinchi Prezidenti Islom Abdug`anievich Karimov vatanimizni suveren davlatga aylantirganligi va o`zbek halqining milliy me`rosini tiklaganligi, u xalqimiz xotirasida mangu barhayot ekanini, muhtaram Prezidentimiz SHavkat Mirziyoevning shu yil 25 yanvar kuni qabul qilingan “O`zbekiston Respublikasining Birinchi Prezidenti Islom Abdug`anievich Karimovning xotirasini abadiylashtirish to`g`risida”gi qarorini keng jamoatchiligimiz g`oyat mamnunlik, ehtirom bilan kutib olganini alohida ta`kidladilar.
 
 
Islom Abdug`anievich Karimov o`zining nafaqat siyosiy faoliyati bilan balki yirik olim va oliy janob inson sifatida davlatimizda yashayotgan millat va elatlar xotirasida abadiy saqlanib qoldi. U nafaqat O`zbekiston, balki jahon miqyosida katta hurmat va obro`-e`tiborga sazovor bo`lgan ulkan shaxs va arbob sifatida tanildi. SHu bilan bir qatorda O`zbekiston nomini dunyoga mashhur qildi. Bugungi kunda butun jahon havas bilan qarayotgan O`zbekistonning shu darajaga erishishida Birinchi Prezidentimizning o`rni va xizmatlari beqiyosdir,– dedi magistratura bo`limi boshlig`i M.Temirboev. – Islom Karimov tashabbusi bilan Respublikamizda uzliksiz ta`lim tizimi joriy qilindi va bilim sifatini oshirish bo`yicha qator islohotlar amalga oshirildi. 
 
 
Xotira tadbirida  tarix o`qitish metodikasi, o`zbek tili va adabiyoti, ingliz tili va adabiyoti, ta`limda axborot texnologiyalari mutaxasisliklari magistrantlari Birinchi Prezidentimiz hayoti va faoliyatiga bag`ishlangan alohida ma`ruza,  rus va ingliz tillarida ijodiy fikrlar hamda xotiralar bilan o`rtoqlashdilar va I.Karimovga bag`ishlangan videofilm namoyish qilindi.